Дигитална библиотека
Дигитална библиотека е веб-страница, која има за цел да ги презентира изданијата на Институтот за македонска литература во Скопје
ПОДДРЖАНО ОД
Проектот е реализиран со материјална поддршка на Министерството за култура и туризам на Република Северна Македонија
Проектен тим
д-р Сарита Трајанова, координатор
м-р Билјана Јоновска-Стефковска, главен соработник за обработка и
внесување податоци
Гунтер Кубе, дизајн и веб развој
Поранешни соработници на проектот
м-р Славица Петровска
Ивана Лазаревска
д-р Тамара Ќупева
За нашиот проект
Дигитална библиотека опфаќа дигитализација на ретки и исцрпени изданија (зборници) на Институтот за македонска литература со цел да ги направи лесно достапни до заинтересираната јавност. Проектот има и долгорочна цел – во континуитет, да се надополнува со сите понови колективни изданија на Институтот.
Застапените изданија ги има во печатена форма во Библиотеката на Институтот каде што се заведени и каталогизирани. Во најголем дел овие печатени изданија се исцрпени, а поради актуелноста на содржините за нив постои интерес од страна на корисниците. Со обезбедувањето електронска верзија на изданијата ќе се овозможи не само нивна заштита, туку и поширока читаност во земјата и странство.
ДИГИТАЛНИ ЗБИРКИ
Дигитализирани 19 зборници на научни трудови
ДИГИТАЛНИ ЗБИРКИ
ЗБОРНИЦИ ЗА МАКЕДОНСКИТЕ КНИЖЕВНИ ДЕЈЦИ
ЗБОРНИЦИ ЗА КНИЖЕВНИТЕ ЖАНРОВИ И ЗА МАКЕДОНСКО-СТРАНСКИТЕ КУЛТУРНИ
РЕЛАЦИИ
ИЗДАНИЈА ЗА ИСТОРИЈАТА И РАЗВОЈОТ НА МАКЕДОНСКАТА ЛИТЕРАТУРА
РЕЛАЦИИ
ЗборникИМАГИНАРНОТО ВО БАЛКАНСКИТЕ ЛИТЕРАТУРИ
НасловНамита Субиото
PDFNamita-Subiotto_Zbornik-Imaginarnoto-116-129.pdf
Првата дигитална збирка Зборници за македонските книжевни дејци е посветена на значајни личности од македонската книжевна и културна историја. Автори на научните трудови се истакнати книжевници и специјалисти од областа на науката за литературата и сродните дисциплини поврзани со историјата, фолклорот, филозофијата, етнологијата, културологијата и сл.
Втората дигитална збирка Зборници за книжевните жанрови и за
македонско-странските културни релации содржи колективни изданија на
Институтот за македонска литература за жанрите во македонската
книжевност – македонскиот роман и македонскиот расказ, како и за
македонско-странските книжевни, културни и јазични врски.
Третата дигитална збирка Изданија за историјата и развојот на
македонската литература е мошне значајна и се должи на повеќегодишната
работа на Институтот за македонска литература на макропроектите за
историјата на македонската книжевност. Во неа се зачувуваат изданијата
за историјата на народната книжевност, на средновековната книжевност, на
македонската книжевност во 19 век и др. капитални изданија за развојот
на македонската книжевност.
Во Дигитална библиотека постои можност да се пребарува по име на автор, наслов на труд, клучни зборови и слично.
ПРЕПОРАЧУВАМЕ
Зборникот БЛАЖЕ КОНЕСКИ – 80 ГОДИНИ ОД РАЃАЊЕТО е повторно актуелен со оглед на тоа што во 2018 година се одбележаа 70 години од објавувањето на првата стихозбирка на Блаже Конески „Земјата и љубовта“ (1948) и 25 години од смртта на авторот (1921-1993).
НАШИТЕ ПРИЈАТЕЛИ ЗА НАС
Нашите први пријатели се соработниците кои работеа на содржините на проектот и очекуваме бројот на пријатели да се зголемува.
-
Креирањето на една ваква електронска библиотека е особено корисно за истражувачите од странство, за македонистите, за лекторите кои се посветени на задачата да ја истражуваат и со тоа популаризираат македонската литература и култура.
-
Се зголемуваат дигиталните содржини на македонски јазик, се афирмира македонското литературно творештво во земјата и во странство.
-
Проектот претставува поддршка на професорите и истражувачите, вработените во установите од областа на културата, студентите на сите циклуси на високото образование и талентираните ученици во средното и основното образование.
ТЕЛЕФОН
Институт за македонска литература – Скопје
389 2 3220 309
EMAIL
info@e-biblioteka.mk
www.iml.edu.mk
